Алёна Калнагузенка хваліць гэтыя месцы за дабрыню людзей, якія дапамаглі ёй, гарадской жыхарцы, абжыцца. Спачатку валанцёры з Кіева прывезлі мэблю, пыласос, імбрык і лядоўню, пазней суседзі прыносілі ёй то бульбу, то малако.
Дом без вокнаў рамантавалі ўсёй сям'ёй, а за пяць гадоў пабудавалі яшчэ і альтанку. У мінулым годзе Алёна частавала ўсіх суседзяў выгадаванымі ёю памідорамі. У жанчыны інваліднасць з-за дыябету, але ў Зялёнай Паляне яна адчувае сябе нашмат лепш, чым у Луганску.